Kalaallit Peqqissartut Illuat
Kalaallit Peqqissartut Illuat Peqqinnissaqarnermut Aqutsisoqarfiup ataani suliffeqarfiuvoq ulloq unnuarlu inuttaqartinneqartoq. Peqqissartut taakkulu qanigisaasa Danmarkimiinneranni angerlarsimaffittut siullertut siunertaqarluni. Tamanna napparsimmavimmi uninnerup siornani kingornanilu atuuppoq imaluunniit Danmarkimi misissortinnermi.
Peqqissartut illuat pikkorissunik sulisoqarnera torersuuneralu ineqartunut misigitikkusupparput, neqeroorutittalu pitsanngorsartuarnissaat sulissutingiuarparput.
Quppernerit maani pineqartut paasissutissiissutitut siunnerfittullu suliarineqarput, sulisunit, peqqissartut qanigisaasalu atorsinnaasaat.
Kalaallit Peqqissartut Illuannut tikilluarit
Københavnimi Kalaallit Peqqissartut Illuannut tikilluarit. Nunagisaq qimallugu peqqissariarneq nalunngilarput oqimaassinnaasoq – ilinnut qanigisarnullu. Piffissami ilinnut piumasarpassuaqarsinnaasumi allakajaajusinnaasumilu, eqqissisimaarfigisinnaasarnik, tapersersorteqarfigisinnaasarnik isumassorneqarfigisinnaasarnillu toqqissisimasumik najoruminartumillu, najugassaqarsinnaanissat anguniagaraarput.
Tikilluaqqusinermi quppersagaq una illu pillugu, neqeroorutigut pillugit maanilu najugaqarnermi sinaakkutaasunik takussutissiaavoq. Ikiussallutit piareersimavugut – ulluinnarni apeqqutinut tunngasuuppat, peqqissarnernulluunniit tunngasuugaluarpat. Maani sulisut ilitsersuinissamut ikorfartuinissamullu piareersimapput, illit pingaarnerpaaq ukkatiginiassagakku – tassa illit peqqissutsit ilorrisimaarnissallu.
Neriuppugut maani tikilluaqqusaallutit misigisimassasutit, tamaaniinnerillu sapinngisarput malillugu pitsaasuutinniarsariumaarlutigu. Arlaannik amigaateqaruit apeqqutissaqaruilluunniit attavigiinnarisigut.
- Birtha Bianco, Pisortaq
Nerisarfik
| Neriffiit | |
| Ullaakkorsiorneq | 06:00 - 09:30 |
| Ullup qeqqasiorneq | 12:00 - 16:00 |
| Unnukkorsiorneq | 17:00 - 18:30 |
| Sapaatip akunnerata naanera | |
| Ullaakkorsiorneq | 08:00 - 10:00 |
| Ullup qeqqasiorneq | 12:00 - 16:00 |
| Unnukkorsiorneq | 17:00 - 18:30 |
Akit
Qanigisaasut nerisarfimmi akeqanngitsumik ullaakkorsioqataasarput. Ullup qeqqanulli unnukkullu inersimasunut DKK50-nik meeqqanullu 12 ataallugit ukiulinnut DKK25-nik akeqarluni.
Oqarasuaatip normui pingaarutillit
| Peqqissaasut | 502, 503, 504 |
| Saaffiginnittarfik | 500 |
| Angallassineq | 501 |
| Oqarasuaatip normui pingaarutillit allat | |
| Alarmnr. | 112 |
| Akuttlf. | 1813 |
| Politi | 114 |