Qanigisat
Sulisunik isumaqatigiissuteqarnikkut, Kalaallit Peqqissartut Illuanni najugaqartut qanigisamik ataatsimik akeqanngitsumik ineqateqarsinnaapput. Qanigisaasoq peqqissartutulli akeqanngitsumik ullaakkorsiorsinnaavoq, ullup qeqqanulli unnukkullu nerisassani nammineq isumagisassallugit, illoqarfimmilu angalanerminut aningaasartuutini aamma nammineq isumagisassallugit. Peqqissartoq napparsimavimmut unippat, qanigisaasoq peqqissartut illuanni najugaqarsinnaajunnaassaaq.
Qanigisaasup najukkamut uppernarsaammik nassarnissaa kajumissaarutigaarput, maaniinnermini pingasuartumik napparsimalissappat nappaataataluunniit ajorseriarnerani, peqqinnissaqarfimmit akeqanngitsumik ikiorneqarsinnaaniassammat. Angalanermi sillimmateqarnissaq aamma kaammattuutigaarput, saniatigut aningaasartuuteqariataarnissamut matussutaasinnaammat. Qanigisaasoq nakorsaatinik arlaannik atuisuuguni, maaniinnini tamaat naammattunik nakorsaateqarnissani pisariaqartitsinikkullu nammineq nakorsiarnissani akisussaaffigai.
Peqqissartut illuanni sammisassanik aaqqissuussat peqqissartunut, nakorsamillu angalaqataasussatut innersuussanut taamaallaat naatsorsuussaapput. Qanigisaasut akiliillutik tamakkununnga peqataasinnaapput.