Nakorsaatit

Peqqissartut Danmarkiliartut amerlanerit, Kalaallit Nunaanni nakorsaminnit nakorsaasersugaasarput. Kalaallit Nunaanni nakorsaatinik tunineqarsimaguit nakorsaatitit taakkulu allattorsimaffiat tamaannga nassarsimassavatit. Danmarkimi napparsimiavilialeruit nakorsaativit allattorsimaffiat nassassavat, nakorsaatit suut atugarineritit nakorsap malinnaaffigisinnaaniassammagu. Danmarkimi nalunaarsuiffimmut allattorsinnaassavaat, pisariaqarpallu nalimmassarlugit.

Danmarkimiinnerni nakorsaatitit nalimmassarneqassappata, nakorsaatit allattorsimaffiannik napparsimaviup tunissavaatit. Allattorsimaffik peqqissartut illuanni sulisunut tunniutissavat, Kalaallit Nunaanni journalimut immiunneqassammat.

Danmarkimiinnernut nakorsaatitit amigartussaasut takusinnaagukku illumi peqqissaasut attavigissavatit. Nakorsaatissanut allagartamik nutaamik tunineqarnissarnik, nakorsaataarniarfimmiillu nakorsaatit inniminniissutiginissaannut ikiorsinnaavaatsit. Nakorsaatit pissarsiariniarnerat ullunik 1-2-nik sivisussuseqarsinnaanera eqqumaffigissavat. Nakorsaatinik nutaanik aallartitsisussanngorsimaguit taakkulu napparsimavimmit tunniunneqarsimanngippata aamma peqqissaasut attavigissavatit, nakorsaatit pissarsiariniarneranni ikiorsinnaavaatsit.

Nakorsaativit atornerat nammineq akisussaaffigissagit kajumissaarutigaarput, ikiortariaqaruilli illumi peqqissaasut attavigisinnaavatit.

Pisariaqartitsivittoqartillugu nakorsaatit nakorsaataasiveeqqanut immiunnissaat, peqqissaasut peqqissartut ikiorsinnaavaat.