Inunnik isumaginninnermi siunnersorti

Inunnik isumaginninnermi siunnersortimik, peqqissartut kommuuniminnik attaveqarneranni siunnersuisinnaasumik, ikiorneqarnissaq Kalaallit Peqqissartut Illuannit neqeroorutaavoq.

Aningaasaqarnermut tunngasunik, ilaatigut soorlu akiligassat akilerniarnerannut peqqissartulluunniit katsorsartinnermi nalaani akissarsiaqannginnera pillugit, inunnik isumaginninnermi siunnersorti siunnersuillunilu ilitsersuisinnaavoq.

Peqqissartut kommuuniminnit aningaasatigut ikiorserneqarsinnaasarput. Sulinermi iluanaarutaasussaagaluanik annaasaqarnermi S.I.K. qanigisaasunik taamaallaat ikiuuttarpoq, aningaasatigut ikiuuteqartarani. Erseqqissassallugu pingaaruteqarpoq, Kalaallit Peqqissartut Illuat nammineerluni aningaasatigut ikiuisanngimmat, tamakkunanngali suliaqartunut innersuussisarluni.