Nerisat nerisaqarnerlu

Kalaallit Peqqissartut Illuanni nerisarfik illumi ineqartunut; peqqissartunut qanigisaasunullu naatsorsuussaavoq. Peqqissartut tamarmik akiliinatik nereqataasarput, tamanna SHV-ledsageritut angalaqataasunut aamma atuuppoq. Qanigisat angalaqataasut akiliinatik ullaakkorsioqataasarput, ullup qeqqanulli unnukkulli nerinermi akiliisarlutik. Igaffimmit sassaalliutaasunik pulaartut nereqataasinnaanngillat, namminerli nassataminnik nerisinnaallutik.

Peqqissartut immikkut nerisaqartitaasut, igaffimmi sulisunik isumaqatigiissuteqarnikkut nerisat peqqissartumut nalimmassarneqarsinnaapput. Taamaammat nappaativit peqqissarnivilluunniit kingunerisaanik immikkut nerisaqartariaqaruit, igafimmi sulisut attavigissavatit.

Illumi 1., 2. aamma 3. salimi ineqartunut igaffeqarpoq, ineqartut namminneq nerisassiorfigisinnaasaannik ineqartullu qaqugukkulluunniit nerisarfiup igaffianut akussaminnik aallersinnaatitaapput. Peqqissartut illuanni najugaqarnermi peqqissartup piumaguniuk nerisaqarnini tamakkiisumik akisussaaffigisinnaavaa. 4. salimi init immikkut igaffeqarput aamma. Peqqissartut De 9 små hjemimi hoteliniluunniit najugaqartut ullormut DKK125-nik DKK100-nilluunniit ullormusiaqartarput.

Maani ineqartutut igaffimmillu atuisutut, igaffiup isersimaartarfiillu torersuutinnissaannik eqqiluitsuutinnissaannillu akisussaavutit. Igaffinni kælderimilu nillataartitsivinnik qerititsivinnillu peqarpoq, ineqartut atorsinnaasaannik. Nerisassaativit taakkununnga toqqorsimasavit atsiornissaat qangalu toqqorneqarsimanerata ullulernissaat eqqaamagiuk.