Eqqiaaneq errorsinerlu

Eqqiaasut isersimaartarfinni eqqiaasarput, ineeqqallu pisariaqartitsineq naapertorlugu aamma eqqiartarlugit. Inisimasut nikinnerani ineeqqat aamma eqqiarneqartarput. Peqqissartut pisinnaasut, qanigisatulluunniit angalaqataasut ineeqqamik eqqiaaneq ulluinnarni akisussaaffigaat. Pisariaqartitsinikkulli ineeqqamik eqqiaanermi ikiorneqarnissaq pillugu eqqiaasut isumaqatigiissusiorfigineqarsinnaapput.

Nappaatit tuniluunnerat pakkersimaarniarlugu ineeqqani isersimaartarfinnilu eqqiluisaartuarnissaq pingaaruteqarluinnarpoq. Ineeqqat akuttunngitsumik eqqiartarnissaat, tamanillu atugaasut soorlu igaffiit isersimaartarfiillu torersuutinnissaannik eqqiluitsuutinnissaannillu ineqartut tamaasa kaammattorusuppagut. Ulluinnarni eqqiluitsuutitsinermi illup tamanut isumannaatsumik najoruminartissinnaavarput.

Oqorutit qalii

Oqorutit qaliinut atornikunut etage tamarmik errortassaasiveqarput, oqorutillu qalii errortat gangip isuani toqqorsivimmiillutik. Allaruit errortat sapaatip akunneranut ataasiaq agguaanneqartarput. Akulikinnerusumik allarutit taarsertarusukkukkit eqqiaasut saaffigisinnaavatit. Tamatigulli allarutit errorsisarfimmi nammineq errorneqarsinnaapput.

Errorsineq

Kælderimi ineqartunut errorsisarfiuteqarpugut. 4-nik errorsiveqarpoq panersaaviillu marluk. Errorsivinnik panersaavinnillu atuineq atuisup nammineerluni akisussaaffigaa, ineqartullu allat pisataasa ataqqineqartarnissaannik ineqartut qinnuigaavut. Errorsisarfimmi qaqorsaat atugarput tipigissaatitaqanngilaq. Naliginnaasumik sapaatip akunneranut ataasiarluta allarutit taarsertarpagut. Akulikinnerusumik allarutitit taarsitsittarusukkukkit eqqiaasut saaffigissavatit. Allarutinik nammineerluni errorsineq aamma periarfissaavoq.

Eqqakkanik immiikkoortiterineq

Peqqissartut illuanni eqqakkanik immikkoortiterisarpugut. Eqqagassat asiusinnaasut immikkut igittarpagut taakkununngalu igaffinni tamani eqqaaveqarluta. Suut eqqakkatut asiusinnaasutut immikkoortinneqassanersut igaffinni plakatini takuneqarsinnaavoq.