Illu
Najugaqarneq, nerisaqarneq, isumannaallisaaneq, atortut allallu pillugit paasissutissat.
Najugaqarneq, nerisaqarneq, isumannaallisaaneq, atortut allallu pillugit paasissutissat.
Timip aalatinnerata pitsaasumik sunniuteqartarnera Kalaallit Peqqissartut Illuanni upperilluinnarparput. Tamannalu aallaavigalugu maani najugaqarnermi timip aalatittarsinnaaneranut assigiinngitsunik neqerooruteqarluta. Naqqup ataani aginngitsumik timigissartarfeqarpugut, ineqartut 16-nik ukioqalereersimasut tamarmik atorsinnaasaannik. Tassani atortut atorlugit nammineq nukkassarsinnaavutit qasujaallisarlutillu.
Timimik sungiusaasorput qanittutsinni aamma pisuttuartitsisarpoq. Pisuttuarnerit silaannarissaataalluartarput, ineqartunik allanik ilalersorfiusarlutik timimullu nukkassaataasarlutik. Ulluinnarni timip aalatittuarnera peqqissutsimut peqqissarnermullu pingaaruteqarpoq, ineqartullu tamarmik pisinnaasatik malillugit sammisassanut peqataaniartassasut kaammattuutigaarput. Sammisassat ataasiakkaanut nalimmassarniartarpagut, peqataasunut tamanut iluaqutaaniassammata.